ჟურნალისტი ზურაბ ბაუჟაძე:
“რესტორანი ვოქსი მე18 სართულზეა განთავსებული. ეს არის ბათუმში ერთ-ერთი უდიდესი საცხოვრებელი კორპუსი. მის პირდაპირ გზის გადაღმაც უზარმაზარი კორპუსია. შემდეგ კიდევ…
უბანი უმჭიდროესადაა დასახლებული. რამდენი ათასი ადამიანი ცხოვრობს შიგ არ ვიცით, მაგრამ ძალიან ბევრი. ხანძრის გავრცელების შემთხვევაში ენით აღუწერელი კატასტროფა, მსოფლიო მასშტაბის უბედურება შეიძლებოდა მომხდარიყო. ქალაქს, რომლის სახლების სართულების რაოდენობა 50 -მდეც კი არის, არ აქვს საშუალება ხანძარს შეებრძოლოს მე-18 სართულზე.
მეხანძრეები თავს არ ზოგავდნენო, წერენ ვიღაცები. რა აზრი ჰქონდა თუ რამეს ვერ იზამდნენ? მათ სიცოცხლეს რატომ ვაგდებთ საფრთხეში, თქვენი ხელოვნური კუნძულის მადლმა?”
შეგახსენებთ,ბათუმში, რესტორან „ვოქსში“ ხანძარი გვიან ღამით გაჩნდა. ხანძრის შედეგად არავინ დაშავებულა.
